Devolved Nations

Cymru

Cadeirydd Cenedlaethol - Cymru: Dr Gwenan Huws

Mae saith Bwrdd Iechyd yng Nghymru. Cynigir gwasanaethau mewn sawl clinig ac ysbyty cymunedol ledled Cymru.

Ble darperir gwasanaethau rhewmatoleg

Bwrdd Iechyd Prifysgol Abertawe Bro Morgannwg

Gwasanaeth sy’n gweld ac yn trin oedolion â chyflyrrau rhewmatolegol mewn pedwar ysbyty: Ysbyty Singleton, Ysbyty Treforys, Ysbyty Castell Nedd Port Talbot ac Ysbyty Tywysoges Cymru. Cynhelir yr Uned Ddydd Rhewmatoleg yn Ysbyty Tywysoges Cymru, Penybont. Nyrsys sydd yn arwain y tim aml-ddisgyblaeth yno.

Ar ôl mis Mawrth 2019, bydd Ysbyty Tywysoges Cymru yn ymuno a Bwrdd Iechyd Prifysgol Cwm Taf.

Mae tua 7 ymgynghorydd a 6 nyrs arbenigol yn gweithio i Fwrdd Iechyd Prifysgol Aneurin Bevan. Darperir gwasanaeth cleifion mewnol ac yn ystod y dydd yn Ysbyty Neuadd Nevill. Mae gwasanaeth cleifion allanol ar gael ledled Gwent, gan gynnwys Ysbyty Brenhinol Gwent, Ysbyty Neuadd Nevill, Ysbyty Ystrad Fawr, Sant Woolos, Casgwent, Pontypwl, Ysbyty Aneurin Bevan, ac Aberhonddu.

Mae Bwrdd Iechyd Prifysgol Betsi Cadwaladr yn gwasanaethu Gogledd Cymru yn gyfan. Yn Ysbyty Maelor Wrecsam mae’r Uned Dydd Meddygol yn darparu trwythau mewnwythiennol ar ran yr adran rhewmatoleg. Mae gwasanaethau rhewmatoleg cymunedol ar gael yn Ysbyty Glannau Dyfrdwy. Cynigir gwasanaethau rhewmatoleg hefyd yn Ysbyty Glan Clwyd, Canolfan Rhewmatoleg Peter Maddison yn Llandudno a Bangor, Ysbyty Dolgellau, Ysbyty Bryn Beryl, Ysbyty Alltwen, Ysbyty Eryri, Ysbyty Penrhos Stanley a Blaenau Ffestiniog.

Mae Bwrdd Iechyd Prifysgol Caerdydd a’r Fro yn cynnig gwasanaethau i gleifion mewnol ac allanol yn Ysbyty Athrofaol Cymru Caerdydd ac Ysbyty Prifysgol Llandochau.

Mae Ysbyty Brenhinol Morgannwg, Ysbyty Dewi Sant, Ysbyty Cwm Cynon ac Ysbyty Tywysog Siarl yn rhan o Fwrdd Iechyd Prifysgol Cwm Taf. Cynhelir clinigau arbenigol gan gynnwys triniaethau biolegol, Lupus, Sbondylitis Ymasiol. Mae clinigau Gwynegon Cynnar a gwasanaeth Uwchsain hefyd ar gael. Mae pwyslais ar ddatblygu ymchwil yn yr Adran Rhewmatoleg yng Nghwm Taf.

Yng Ngorllewin Cymru mae gwasanaethau Rhewmatoleg ar gael ar draws Bwrdd Iechyd Prifysgol Hywel Dda gyda chanolfannau yn Ysbyty Tywysog Philip, gan gynnwys Uned Dydd, ac Ysbyty Cyffredinol Gorllewin Cymru, Caerfyrddin. Mae gwasanaethau hefyd ar gael yn Ysbyty Bronglais ac Ysbyty Llwynhelyg. Mae gwasanaeth Asesu Clinigol gan Ffisiotherapyddion a Phodiatryddion arbenigol hefyd ar gael mewn clinigau yn Sir Gaer, Ceredigion a Sir Benfro.

Mae gwasanaeth Rhewmatoleg Paediatrig yng Nghymru yn gyfyngedig ac yn rhan amser. Cynhelir Clinigau yn Ysbyty Athrofaol Cymru ac Ysbyty Brenhinol Morgannwg. Defnyddir gwasanaethau yn Ysbyty Plant Alder Hay Lerpwl ac Ysbyty Brenhinol i Blant ym Mryste. Mae Cymdeithas Rhewmatoleg Prydain (BSR) wedi bod yn ymgyrchu gyda Gofal Gwynegon Cymru, Versus Arthritis a Chymdeithas Cenedlaethol Gwynegon Gwynegol (NRAS) er mwyn sefydlu gwasanaeth amlddisgyblaeth Rhewmatoleg Paediatrig ar gyfer De Cymru, ac ehangu’r gwasanaeth bresennol yng Ngogledd Cymru.

Canolfannau Hyfforddiant Arbenigol

Mae’r Pwyllgor Hyfforddi Arbenigol Rhewmatoleg (STC) yng Nghymru yn cynnwys ymgynghorwyr o bob Bwrdd Iechyd, ac hefyd cynrychiolydd o blith y meddygon iau sy’n hyfforddi. Mae Cadeirydd y Pwyllgor a Chyfarwyddwr y Rhaglen Hyfforddi (TPD) yn goruwchwylio’r Pwyllgor Hyfforddi. Cynhelir Cyfarfod y Pwyllgor Hyfforddi yn ystod y Cyfarfod Cenedlaethol Blynyddol pob mis Mawrth, yng Nghanolbarth Cymru. Dyma fforwm i drafod materion yn ymwneud ag addysg, hyfforddi, ymchwil a darparu gwasanethau. Caiff Awdit Cenedlaethol ei gyflwyno ac adroddiadau gan y Cadeirydd am gyfarfodydd Cymdeithas Rhewmatoleg Prydain (BSR) a Choleg Brenhinol y Meddygon (RCP).

Ysbytai sy’n ymgymryd â Hyfforddiant Rhewmatoleg: Ysbyty Gwynedd Bangor, Uned Rhewmatoleg Peter Maddison, Llandudno, Ysbyty Maelor Wrecsam, Ysbyty Brenhinol Morgannwg, Llantrisant, Ysbyty Tywysog Siarl, Merthyr Tudful, Ysbyty Brenhinol Gwent, Casnewydd, Ysbyty Neuadd Nevill, Y Fenni, Ysbyty Ystrad Fawr, Ystrad Mynach, Ysbyty Treforys, Abertawe, Ysbyty Castell Nedd Port Talbot, Ysbyty Tywysoges Cymru, Penybont, Ysbyty Athrofaol Cymru, Caerdydd, Ysbyty Athrofaol Llandochau, Penarth.

Addysg Parhaol: Mae gan Gogledd a De Cymru raglenni addysgiadol cyson ac mae siaradwyr gwadd yn ymweld yn aml. Mae cyswllt fideo ar gael er mwyn ymuno a’r sesiynau o bell.

Ymchwil: Mae ymchwil yn bwysig yng Nghymru, ac mae’r Athro Ernest Choy, Pennaeth Rhewmatoleg ac Ymchwil Drosiadol, a Chyfarwyddwr Canolfan Gwerthuso Triniaethau Arbrofol i Wynegon (CREATE) yn Ysgol Feddygol Prifysgol Caerdydd. Mae gan yr Athro Choy ddiddordeb mewn meddygaeth arbrofol yn ogystal â dylunio Treialon Clinigol mewn cyflyrrau Gwynegol. Cynhelir treialon clinigol mewn canolfannau ar draws Cymru.

UwchsainBwriad Grŵp Uwchsain Gwynegol Cymru yw darparu hyfforddiant safonol mewn Uwchsain ar draws y wlad. Mae’r grŵp yn cydweithio gyda’u cyfoedion yng Nghymdeithas Rhewmatoleg Prydain (BSR Ultrasound Special Interest Group) ac hefyd yn yr Alban (SRUG). Bellach mae 5 canolfan yn darparu hyfforddiant uwchsain ar draws Cymru (3 yn y De a 2 yn y Gogledd).

Addysg a Gwella Iechyd Cymru

Mae Addysg a Gwella Iechyd Cymru (AaGIC/HEIW) yn cydlynnu hyfforddiant ôlraddedig ar gyfer naw cofrestrydd arbenigol ac un cofrestrydd academaidd yng Nghymru.

Darperir hefyd nifer o swyddi gradd Hyfforddiant Sylfaenol a Meddygaeth Mewnol ym maes Rhewmatoleg. Mae addysg I'r cofrestryddion yn cynnwys dyddiau hyfforddi ar y cyd gyda Deoniaeth Hafren, yn ogystal ag amrywiaeth o weithgareddau is-arbenigol. Mae gan yr adrannau yn y Gogledd gysylltiadau a’u cyfoedion ar Lannau Merswy a Manceinion.